Monday, October 23, 2017
OBB Latest News:

Obudhingiya riddles (Bikolokombania)

Obudhingiya folk ridles (Bhikolokombania)

KOLO, KOLO Dhiyo
1. Hu̱u̱ na hu̱u̱?
Ki̱bhi̱ kya mughumba

2. Kaajughila bu̱lengeeli̱ya?
Mu̱su̱li̱ ghwa musakaali̱

3. Kati̱ki̱na pete?
Mulogho haa kongo

4. Ondoli̱yeki nkwisa e waawe?
Mulyango

5. NGaali masano?
Njoka kuniina etali na maghulu.

6. Eti nai̱ti?
Tookusobola kuheteka ngabo mu buhiya

7. Kini kikansweki̱ya?
Kutakila mu kanu̱wa mali̱gha ghabbudhukila mu maaso/nkoko njelu kubyala njilaghuli.

8. Nguli ghabaagha mati̱mu̱ nguli ghaalatumali̱ye?
Mbu̱la

9. Nkabyala baana banje basatu omui ataliyo banji tabaliya?
Mahi̱gha

10. Nkabhasula nseku yanje eba neenaghenda?
Maasi

11. Nkabyala baana banje baghenda mbaatilana bukama?
Maghulu

12. Mukama akengenga na bitabo biye?
Kisumba

13. Kiswigha weetekemi̱ye?
Kibelo kya mwanjoko

14. Mu̱twesi̱ye mugholi tumusunange?
Buhunga

15. Ohi̱li̱ngi̱te nkukusange eghi?
Ntole haa mumelo

16. Telebu-telebu?
Ki̱i̱li̱bhata haa butelelo

17. Kpekpelekpenju̱?
Kaakpetu̱ haa kighogho

18. O’bhi̱i̱te?
Ki̱i̱hohooli̱ haa njoghu̱

19. Nkakweli̱ya numba yanje mpaghi emui?
Ki̱tu̱li̱

20. Nkakwela numba yanje yaaba na mulyango ghumui?
Mubhungu

21. Nkaata nyama naasanga maku̱wa haagu̱u̱li̱?
Kikaka/ ehuli/kongo/kamambo

22. Nkaata nyama yanje ngiliya neenaghenda?
Kiniki

23. Ndi na numba yanje tayeehighala?
Muhuli

24. Kati dhi̱li̱ kati paca?
Ntoli̱ maasi

25. Pala-pala muhandi̱i̱ki̱ ?
Wangusobola kuhandiika hagu̱u̱li̱ ya maasi

26. Nkaata nyama naaghi̱boohi̱ya mala ghaayo ?
Bu̱solu̱

27. Nkabyala baana banje babili ninaakolobha omui boona baatakila hamui?
maaso

28. Ndi na kigita kyanje takihuwamu?
Muhuli ghwa mbuwa

29. Nkabhasula nseku yanje ntaamanya eki yaati̱ye?
Kuha mukali̱ etundu

30. Nkakwela numba yanje ya maadi̱li̱sa ghonkaha?
Kisoolo kedha kiisuwa-suwa

31. Ndi na bitalo byanje bibili mbuluwa eki ndiil’o ?
Nsi na eghulu

32. Ndi na mwana wanje neetanuka nsi yoona emu̱u̱ghu̱wa?
Nkubha

33. Mba nimpenda mighogho?
Kansu̱ndi̱ haa kansungu-sungu

34. Bajungu basitami̱ye haa ntebe emui?
Makali̱/mabeele

35. Kakonje mugbagha?
Bubalu̱ bwa mbuwa

36. Oghende e kaanu̱ma okusanga bajungu mbabi̱na?
Nkuto mu kyalooni̱

37. Otuwe hanja obilikile mabhengu abu̱ghe?
Kweli̱ mu bitooka-tooke

38. Mukama w’eka alindiliiye nte siye?
Kisali̱li̱yo mu bitooke

39. Pili-pili kaliya etaka?
Kansunsu kaa muholo

40. Mamba andeli̱ye?
Bulili,ña ntebe

41. Mbumbutata mbu̱ghi̱la eghulu?
Ngoma

42. Mamba akanti̱ghi̱la mwegi̱mo ghwanje?
Mukono

43. Mamba akanti̱ghi̱la munagha taghukaatikagha?
Etundu

44. Maaha taahwana kulila?
Maasi mu kighona

45. Oghende e kaanu̱ma okusanga beesiki baleegi̱ye? mabeele
Biipapaali̱

46. Oghende ebhi̱mba nanje ebhi̱mba tukubilane mi̱syokolo?
Nkoko ntu̱u̱li̱

47. Matinde kaabbudhe-bbudhe?
Maghulu ghaa kaakolokoli̱

48. Kasaasa kaahi-kaahi takameluwa ntunga?
Lukedhengu

49. Mamba akanti̱ghi̱la kabu̱li̱ kanje kaamalinkpuntu?
Kaatidho

50. Nkaba ningenda naasanga baana boobukali̱ mbatunga
bukwanji obu bamboone baabuhanja?
Kime

51. Ku̱lu̱ kutendeli̱?
Tookusobola kwejomba na kaawembo mu lusuli

52. Weeli̱nge e kaanu̱ma okusangaana taata alangaaye haa kiigone? (Byeli̱le)

53. Hambali bajungu basitamililaane?
Ndegheya haa kikusa

54. Kpu̱ngbu̱lu̱ malyasi?
Mbeba haa sahaani

55. Gomba matu̱li̱ka hansi?
Lu̱si̱ni̱ni̱ mu kicele

56. Piki-piki maku̱mi̱ ataano?
Maghulu ghaa kigongolo

57. Piki-piki na matoka bibingaane?
Nkali na mabhi̱

58. Gi̱gi̱li̱ bhagi̱gi̱li̱bha?
Tookusobola kunena lusambo

59. Ntobhola mu̱hu̱mbu̱?
Luluko/Kutui/Mwika

60. Kasaasa kaai-kaai takasibha e butuku?
Safu̱li̱ya haa mulilo

61. Kasaasa kaai-kaai kaasaaye nkateela likembe/Kiidiyo?
Ki̱i̱lu̱mengelele

62. Mukyala Mangadhalina aasaaye eeboohi̱ye muheeko?
Ndondooli̱
63. Muheeko ghwa Abwoli̱ kusemela?
Kiikilima

64. Kalyankui kaa Bundigele takadu̱dha?
Nkongotela

65. Nkabyala baana banje balina i̱ndi̱foomo emui?
Bu̱tu̱li̱

66. Weeli̱nge e kaanu̱ma okusanga bajungu bahuuye? paamu?
Njwenge sya mukusa

67. Oghambile baana baawe baleke kunaabila haa kyambu kyanje?
Bi̱i̱hohooli̱

68. Nkaghenda e bukuwe banteekela nkoko naasomamu muto ghwonkaha?
Kikaka

69. Nkaghula tadhooba yanje ekubhaki̱li̱yagha nsi yoona
Kweli̱?

70. Heei̱ya mwana heei̱ya?
Bantu mu katale

71. Nkabyala mwana wanje ali na mahuwa-huwa?
Ki̱fenensi̱/kitaafiile

72. Nkoko yanje ekalaalila haa mahuwa egu̱u̱li̱?
Nanansi

73. Kabhi̱li̱ aka nkubaagha nkoobahi̱ye?
Wangusobola ku̱hi̱ka hambali mwanjoko akunaabila

74. Nkabyala baana banje banamasusaane?
Nkwali

75. E waatu aseli̱ye?
Eku̱li̱mu̱

76. Mbogho mulangbala?
Kaghona katalimu maasi

77. Nkeehi̱ghi̱la mukuwe atali wanje?
Matoka

78. Ooyemu mbu̱li̱ syawe otighoho nkingi?
Biikono-kono bya mukusa/mucele

79. Kaadungbeela?
Kahu̱lo kaa nanja

80. Nkatema kisaka kyanje kyalu̱ghamu ki̱ghu̱mba kimui?
Esoke

81. Kyahi̱ya eghi-neeghi kyati̱gha namunengi̱ya haagati?
Ebaale munkala

82. Okpeete bukinkini onti̱ghe bukinkini?
Wangumaaniilila kinyobuwa kya busaasa

83. Taata na mamba bakpakaane?
Kaaghali̱yo kaa lwighi

84. Nkajiika mamba anakaaye?
Byalaagha

85. Nkajiika esenga aasa ankweme?
Ki̱bu̱ kyomu mahigha

86. Nkabyala mwana wanje aabuluwa esoke?
Ehuli

87. Ondoli̱ye ki nkukamuuye?
Bulaala bw’ekyambu/bumiyo

88. Nguli nabaagha muhoole nguli nalabahooye?
Kyaloni

89. Kpu̱ngbu̱lu̱-kpu̱ngbu̱lu̱?
Mbeba mukimugha

90. Kpu̱ngbu̱lu̱ malyasi̱?
Mbeba haa saani

91. Nkalii? (kati kaamulwelele)

Source of Information
From Rev. Can. Timothy Bandirana

Comments are closed.